26/11/2006.
Comunicat 2 :
Jonhètz lo
Partit Occitan Cantalés.
Rejoignez le
Parti Occitan Cantalien.
A las legislativas de
2002, ambe las candidaturas del Joan-Claudi Rocher e
del Ramon Squizzatò, l’occitanisme politic se pausava
per lo primièr còp dins lo paisatge politic cantalés.
Lo 10 de Febrièr de 2006, a Orlhac, en preséncia del Gustau
Aliròl, President del Partit Occitan e de Regions e Pòbles
Solidaris, espelissiá lo Partit Occitan Cantalés. La premsa
locala faguèt largament resson a aquel eveniment.
Ara es vengut lo temps de bastir amassa dins lo Cantal un
occitanisme politic fòrt e respectat.
Sabèm los blocatges nombroses qu’empachan la respelida de
la lenga nòstra dins lo Cantal, sabèm l’incapacitat dels
elegits locals de pensar e fargar un modèl de desvolopament
equilibrat e umanament just per nòstre país. Nòstre
engatjament politic es mai que jamai necessari per
respondre a aqueles problèmas.
Las annadas que venon van èstre un moment crosal. L’an que
ven, lo POC Cantalés deurà èstre present dins las eleccions
legislativas. En 2008, sa présenciá deurà èstre la mai
larga possibla a las eleccions localas. Aurem besonh de
sòcis, de militants, e de candidats.
Auèi, vos apelam a jónher lo POC Cantalés en i aderir en
2007. Vos apelam atanben a vos aprestar, se-b-ò desiratz, a
èstre lèu candidat del POC Cantalés.